Məşhur pop ulduzu Ariana Qrande yaxınlaşan Eternal Sunshine Deluxe: Brighter Days Ahead albomunun treklər siyahısını açıqlayıb. Martın 17-də yayımlanan məlumatda alboma altı yeni mahnının əlavə ediləcəyi bildirilib.
Bu mahnılar arasında yalnız biri əvvəllər yayımlanmış mahnının yeni versiyası olacaq. Söhbət Intro (End of the World) Extended trekindən gedir ki, bu da Eternal Sunshine albomunun orijinal versiyasındakı emosional giriş mahnısının daha uzun versiyası kimi təqdim olunacaq. Siyahıda yer alan digər beş mahnı isə “Twilight Zone”, “Warm”, “Dandelion”, “Past Life” və “Hampstead” adlanır.
Bu elan Qrandenin deluks albomun gələcəyini təsdiqləməsindən tam bir həftə sonra gəldi. Xatırladaq ki, “Eternal Sunshine” 2024-cü ilin martında çıxmış və “Billboard 200” siyahısında iki həftə ərzində birinci pillədə yer almışdı. Albom eyni zamanda “Yes, And?” və “We Can’t Be Friends (Wait for Your Love)” kimi iki “Billboard Hot 100” zirvəsində yer alan mahnı təqdim edib.
Yeni albomla yanaşı, Ariana Qrande “Brighter Days Ahead” adlı qısametrajlı film də təqdim edəcək. Müğənninin sözlərinə görə, bu vizual layihə “We Can’t Be Friends” musiqi videosundan ilhamlanıb və “Peaches” obrazını yenidən canlandıracaq. Martın 12-də Qrande bu layihə üçün sirli bir tizer yayımlayıb və uzun müddətdir əməkdaşlıq etdiyi rejissor Kristian Breslaueri işarələyib.
“Eternal Sunshine” albomunun deluks versiyası və “Brighter Days Ahead” qısametrajlı filmi martın 28-də dinləyicilərə təqdim olunacaq.
