Geyim təkcə bədənə uyğun gələn bir forma yox, kimliyə bürünən bir ifadədir — xüsusilə də qara kişilər üçün. “Zəriflik: Qara Dəbin Biçimi” adlı tədbir, Metropoliten Muzeyinin Kostyum İnstitutunda bu anlayışı mərkəzə çıxarır. Met Qala bu il mayın 5-da baş tutur.
Mövzu ilk baxışda sadə görünsə də, onun altında uzun illərdir görünməyən bir tarix yatır. Tədbir qara kişilərin kostyum və tərz vasitəsilə necə status qazandığını, qara rəngin göstərişini önə çıxarır.
Tədbirin elmi məsləhətçiləri, yazıçı Monika L. Miller və institutun baş dizayn məsləhətçisi Endru Bolton, bu mövzunun illərdir dəbdə necə haqsız şəkildə kənarda qaldığını deyirlər. Onların fikrincə, qara kişilər modada sadəcə izləyici yox, yaradıcı və istiqamətverici olublar — lakin bu tarix adətən arxa planda saxlanılıb.
“Tailored for You” — yəni “Sənə uyğun ölçü” adlı geyim konsepti də bu fikri dəstəkləyir. Hər qonağı yalnız moda qaydalarına yox, şəxsi kimliyinə uyğunlaşan, onun hekayəsini daşıyan görünüş nümayiş etdirməyə çağırır.
Met Qala bu dəfə podiumdan çıxıb tarixin özü ilə dialoqa girir və bu dəfə fərqli bir baxışla zəriflik yenidən tərif olunur.
Mənbələr: BBC, Vogue
Foto: Neilson Barnard/mg24/Getty Images for The Met Museum/Vogue, (Met Gala 2024)
