Avroviziya mahnı müsabiqəsinin rəsmi açılış mərasimi olan “Firuzəyi Xalı” keçidi bir çox sənət işlərinə şahidlik etdi.
Sizlər üçün ən yadda qalan geyimləri bir araya topladıq.
Lucio Corsi Firuzəyi Xalçada çox fərqli və diqqətçəkən geyimlə çıxış etdi. O, üstündə parlaq qırmızı uzun bir palto geyinmişdi – bu palto onu həm ciddi, həm də şık göstərirdi. Altında isə rəngbərəng, xətli (plaid) bir şalvar var idi, bu da görünüşə bir az əyləncəli və qeyri-adi hava qatırdı.
Ağ köynəyinin üzərində maraqlı şəkillər vardı – bu, onun tərzini bir az da gənc və yaradıcı göstərdi. Başında yaşıl beret (kiçik papaq) vardı ki, bu da ümumi geyimi tamamlayaraq ona retro və fərqli bir toxunuş verdi.
Ümumilikdə, Lucio sadə və klassik parçaları rəngli və maraqlı detallarla birləşdirərək çox orijinal və özünəməxsus bir stil yaratmışdı.
İsrail təmsilçisi Yuval Raphael Firuzəyi Xalçada feminenlik və minimalizmi bir araya gətirən bəyaz mini libasla çıxış etdi. Straplez kəsimli, büst hissəsində qırmızı ip detalı ilə konturlanmış bu geyim həm gənc, həm də müasir bir enerji yayır.
Parçanın strukturu sadə olsa da, forması və detallar onu vizual olaraq maraqlı edir. Bununla yanaşı olun qırmızı sırğaları isə ümumi görünüşə cazibədar bir dinamika qatır. Yuvalın açıq saç stili və təbii makiyajı, onun səmimi və cazibədar obrazını tamamlayır. Bu, həm podium, həm də fanlar arasında diqqət çəkən, sadəliklə cəsarəti birləşdirən bir seçim idi
Yunanıstan təmsilçisi Klavdia isə klassikanın müasir versiyası ilə xalıda çıxış etdi. Zeytun yaşılı və bürünc tonların sintezindən ibarət olan, bədənə oturan parıltılı çiçək naxışlı libas, həm zərif, həm də aristokratik bir görünüş yaratdı. Yüksək boğazlı və uzunqollu kəsim ona retro teatrallıq qatır, eyni zamanda zamansızlıq effekti verir.
Geniş eynəklər və iri sırğalar bu vintage havasını tamamlayaraq, Klavdianı həm intellektual, həm də estetik olaraq ön plana çıxarır. Saçların yığılmış forması da bu kompozisiyanın incə toxunuşudur.
Fransanın Avroviziya təmsilçisi Louane isə, firuzəyi xalıda qara rəngli, şəffaf və krujeva detallarla işlənmiş dramatik bir paltarla diqqətləri üzərinə topladı.
Bu geyim bir modabazlıq nümunəsi olaraq, zəriflik və cəsarətin ahəngini nümayiş etdirdi. Uzunqollu və axıcı kəsimlərə sahib paltarın ən diqqətçəkən cəhətləri şəffaf parçası, incə krujeva işləmələri və yüksək yarıqları idi — bu detallar ona həm klassik, həm də müasir bir hava qazandırdı.
Avroviziya Mahnı Müsabiqəsinin Firuzəyi Xalı mərasimində Finlandiya təmsilçisi Erika Vikman qara və qızılı tonlarda, dəri detallarla zənginləşdirilmiş cəsarətli bir libasla səhnəyə çıxdı. Geyimin üst hissəsi korset tipli dizayna malik olub, qızılı metalik panellərlə strukturlaşdırılıb.
Bu, Erika’ya güclü və zərif bir görünüş qazandırıb. Qara dəri detallar isə libasa kəskin və futuristik bir toxunuş qataraq, rok-şık üslubu ön plana çıxarıb. Aksesuar olaraq seçdiyi uzun qara dəri əlcəklər isə geyimin dominant xəttini vurğulayıb.
