Azərbaycanın sənətçiləri Hiss və RZZA yeni duetlərini təqdim ediblər. “Gün Gələr” adlanan mahnı artıq dinləyicilərin ixtiyarına verilib.
Mahnının söz və musiqisi RZZA-ya məxsusdur. Beat üzərində Matthew May çalışıb. Mahnının səs uzlaşmasını isə Dahin hazırlayıb.
Yeni duet üçün çəkilən klipin rejissoru və müəllifi Fərman Bəşirlidir. O, eyni zamanda rejissor assistenti Aydın Bayramov ilə birgə çalışıb. Operator işini Murad Muradlı, rəng həllini isə Tural Hüseyn həyata keçirib. İşıqlandırmada İbrahim Mirzəyev və Daşqın Namazov, texniki işlərdə isə Murad Allahverdiyev iştirak edib. Layihənin icraçı prodüseri Elgün Cəfərovdur.