Dünya şöhrətli reper Kardi Bi ilk böyük arena turunu elan edib. “Little Miss Drama Tour” adlanan bu turne 11 fevral 2026-cı ildə Kaliforniyanın Palm Desert şəhərində başlayacaq və 17 aprel 2026-cı ildə Atlanta şəhərində yekunlaşacaq.
Tur çərçivəsində Kardi Bi ABŞ və Kanadanın 30-dan çox şəhərində səhnə alacaq. Siyahıya Nyu-York, Los-Anceles, Çikaqo və Toronto kimi iri şəhərlər də daxildir. Bu layihə reperin karyerasında indiyədək ən genişmiqyaslı konsert turu hesab olunur.
Biletlərin satışına artıq start verilib. Citi və Verizon kart sahibləri, həmçinin rəsmi “artist presale” imkanları vasitəsilə pərəstişkarlar biletləri öncədən əldə edə bilirlər.
Qeyd edək ki, Kardi B daha öncə 2019-cu ildə Bakıda keçirilən “Formula 1”in bağlanış mərasimində səhnəyə çıxmışdı. Hazırkı tur yalnız Şimali Amerika ilə məhdudlaşır.