Nicki Minaj ilə Kardi B arasında sosial şəbəkələrdə başlayan qalmaqal saatlarla davam edərək daha da kəskinləşib. Başlanğıcda adi söz atışması təsiri bağışlayan qarşıdurma qısa zamanda şəxsi həyat detallarına qədər uzanıb.
Kardi B iddia edib ki, Nicki Minaj bir müddət əvvəl FBI tərəfindən sorğuya çağırılıb, ailədaxili problemlərlə mübarizə aparır və müxtəlif dərmanlara asılılıq yaşayır. Hətta reper həmkarının uzun illərdir psixiatrik diaqnozlarla üzləşdiyini də dilə gətirib. Məsələ o həddə çatıb ki, tərəflər bir birlərinin övladınıda təhqir ediblər. Bu açıqlamalar sosial şəbəkədə böyük səs-küyə səbəb olub: fanatlar iki cəbhəyə bölünüb, kimisi Kardi B-nin açıq danışığını alqışlayıb, kimisi isə Nicki Minajı müdafiə edib.
Nicki isə səssiz qalmayıb – paylaşdığı mesajlarda fanatlarını güclü olmağa, heç bir sözlə sınmamağa çağırıb. Onun dəstəkləyici mesajları qısa zamanda minlərlə bəyənmə toplayıb.
Media qurumları yazır ki, bu qalmaqal sadəcə onlayn qarşıdurma ilə məhdudlaşmaya da bilər. Çünki tərəflərin bir-birinə yönəltdiyi ittihamların bəziləri şərə və böhtan xarakteri daşıya bilər. Belə olarsa, məsələ məhkəmə müstəvisinə də keçə bilər.
İndi isə əsas sual açıq qalır: bu qarşıdurma sosial şəbəkələrin divarında ilişib qalacaqmı, yoxsa real həyatda daha böyük toqquşmaya çevriləcək?
