Skip to content

Fiftysix Magazine

Menyu
Edit Template

Noyabr ayında Netflix yenilikləri

Noyabr ayında Netflix izləyiciləri üçün əsl film və serial festivalı gəlir. Hər zövqə uyğun bir şey tapmaq mümkündür – qorxudan romantikaya, trillerdən fantastikaya qədər.

Ayın ən böyük hadisələrindən biri, şübhəsiz ki, “Stranger Things”in beşinci sezonunun ilk hissəsidir. 26 noyabrda yayımlanacaq bu bölüm izləyiciləri yenidən “Upside Down”un qaranlıq, sirli dünyasına aparacaq və uzun illərin sevilən hekayəsini möhtəşəm finala doğru aparacaq.

“Frankenstein” isə 7 noyabrda ekranlara gəlir. Rejissor kreslosunda qorxu janrının ustası Guillermo del Toro əyləşib. Mary Shelley-nin əfsanəvi romanı əsasında çəkilən bu adaptasiya həm vizual baxımdan, həm də dərin fəlsəfi alt qatları ilə ilin ən iddialı filmlərindən biri kimi görünür.

13 noyabrda yayımlanacaq “The Beast in Me” daha çox psixoloji dərinliyi ilə seçilir. Hadisələr məşhur bir yazıçının oğlunu itirdikdən sonra yaşadığı sarsıntı və qonşuluqda peyda olan qəribə, sirli bir adamın ətrafında cərəyan edir. Serial həm gərgin atmosferi, həm də emosional yönü ilə maraq doğurur.

Romantika sevənlər üçün isə “Champagne Problems” ideal seçim olacaq. 19 noyabrda yayımlanacaq bu film Fransanın füsunkar şampan bağlarında baş verir. Hekayə, bir-birindən fərqli dünyalardan gələn iki insanın həyatlarının kəsişməsi və sevdikləri ilə bağlı çətin qərarlar verməsi üzərində qurulub.

Ayın ortalarında, 20 noyabrda, “A Man on the Inside” serialının ikinci sezonu da gəlir. Cinayət, sirlərlə dolu təşkilatlar və altdan-alta baş verən oyunlar bu sezonu daha da maraqlı edir.