Bu il “Miss Universe” yarışması gözəllikdən çox, qadın həmrəyliyi və kişi zorakılığına qarşı mövqeyi ilə gündəmə damğa vurdu.
4 noyabrda Taylandda keçirilən tədbirdə yarışmanın yerli rəhbəri Nawat Itsaragrisil iştirakçılara “ev sahibi ölkəni tanıtmaq və sosial mediada paylaşım etmək” tapşırığı verib. Ancaq tədbir zamanı gözlənilməz qalmaqal yaşanıb.
O, Meksikanı təmsil edən Fatima Bosch-a üz tutaraq, “Əgər səni ulusal rəhbərin istiqamətləndirirsə, deməli, sən axmaqsan” sözlərini işlədib. Bu ifadə salonda buz kimi hava yaradıb.
Fatima söz almaq istəyəndə Itsaragrisil onu kobud şəkildə “Hələ mən danışıram” deyərək susturub. Bu davranış bir çox iştirakçının etirazına səbəb olub. Qadınlar ayağa qalxaraq zalı tərk ediblər. Rəhbər isə onları yarışmadan qovmaqla hədələyib və təhlükəsizlik çağırıb.
Hadisədən sonra əvvəlki Miss Universe qalibi Victoria Kjær Theilvig də daxil olmaqla bir çox yarışmacı Bosch-a dəstək verərək tədbiri tərk edib. Sosial mediada #WomenSupportWomen və #StandWithFatima hashtag-ları ilə paylaşımlar sel kimi yayılıb.
Gərginlik böyüyəndə Nawat Itsaragrisil ictimaiyyət qarşısında üzr istəməli olub. Yarışmanı təşkil edən “Miss Universe Organization” (MUO) isə “bütün iştirakçıların təhlükəsizliyinin və peşəkar mühitin qorunacağını” bildirib, həmçinin Itsaragrisilin səlahiyyətlərinin məhdudlaşdırıldığını açıqlayıb.
Beləcə, bu il “Miss Universe 2025” yalnız tac uğrunda mübarizə ilə deyil, qadın həmrəyliyinin gücünü göstərən unudulmaz hadisə ilə tarixə düşdü.