Həftənin ikinci günü də yaradıcı enerjisi, diqqətçəkən ideyaları və zövqlü təqdimatları ilə yadda qaldı. Podiumlarda bir-birindən fərqli vizyonlara sahib dizaynerlər, zərifliklə cəsarətin qovuşduğu kolleksiyalarını nümayiş etdirdilər. Gəlin günün əsas məqamlarına nəzər salaq.
The Anjır 21
Podium səyahətinə başlamazdan öncə yerli zərifliyi, səmimiyyəti və feminen enerjini birləşdirən The Anjır 21 brendinə nəzər salaq.
Bu brendin əsərləri tamamilə əl işidir və özündə vokal ruhun modern dizaynla harmoniyasını daşıyır. Markanın yaradıcı xəttinin mərkəzində qadın həmrəyliyi dayanır — bütün proses qadın ustalar tərəfindən həyata keçirilir. Nəticə isə həm estetik, həm də emosional dəyəri olan unikal əşyalardır.
