Fiftysix Magazine — Musiqi və Mədəniyyət jurnalı

Fiftysix Magazine, musiqi və mədəniyyət sahəsinə yeni nəfəs, fərqli yanaşma və yaradıcı baxış gətirmək məqsədilə yaranan könüllü media platformasıdır. 18 aprel 2024-cü ildə Tərlan İskəndərov və Bəhmən Sadıqzadənin təşəbbüsü ilə fəaliyyətə başlayan bu layihə, ilk olaraq Avroviziya Mahnı Müsabiqəsinə həsr olunmuş jurnal yayımladı.

Qısa zaman ərzində genişlənən komanda yalnız Avroviziya deyil, həm də qlobal musiqi, estrada, kino sənayesi, dəb dünyası və mədəniyyətin digər sahələrini əhatə edən yazılar, araşdırmalar və layihələrlə inkişaf edərək, musiqi və mədəniyyət sevənlərin zövqünə və müasir trendlərə uyğun, unikal bir media platforması kimi formalaşdı.

Platforma, oxucularına yalnız xəbərlər təqdim etməklə kifayətlənmir, həmçinin eksklüziv müsahibələr, sənətçi portretləri, tədbir icmalları və dərin araşdırmalarla musiqi və mədəniyyət aləminin fərqli tərəflərini işıqlandırır. Gənc istedadlara dəstək verməyi əsas missiyası kimi qəbul edən Fiftysix Magazine, yeni adların tanınması və inkişafına şərait yaradır.

Komanda könüllü olaraq fəaliyyət göstərir. Əgər sən də bizə qoşularaq, yaradıcı fikirlərin və yeni baxışlarınla bu fəaliyyətin bir hissəsi olmaq istəyirsənsə, bizə müraciət edə bilərsən.