Aisel və Orxan Zeynallıdan növbəti düet: “Həyatdır”
Avroviziya təmsilçimiz, gənc və istedadlı müğənni Aisel, reper Orxan Zeynallı ilə növbəti layihəsini təqdim edib. “Həyatdır” adlanan bəstənin sözləri Aisel və Orxana, musiqisi isə ifaçının özünə aiddir.
Mahnıda insanın həyat yolunda qarşılaşdığı çətinliklər və xoşbəxtliklərin qarşılıqlı harmoniyasından bəhs olunur. “Həyatdır” ifaçıların ikinci əməkdaşlığı hesab olunur və dinləyicilərə həyatın enişli-yoxuşlu, amma rəngarəng mənzərəsini çatdırmağa çalışır.
Bəstə artıq Aiselin rəsmi YouTube kanalında və digər musiqi platformalarında yayımlanıb.
