Azərbaycan musiqisində albomların sayı azaldığı bir vaxtda Aisel iki il əvvəlki “ON” albomundan sonra yeni albomunu təqdim edəcək.
Müasir elektron musiqi ilə etnik motivlərin vəhdətini özündə birləşdirən albom dinləyicilərə həm enerjili, həm də duyğusal təcrübə təqdim edir.
“SUBLIMINALS” ilk dəfə oktyabrın 24-də Amsterdamda “ADE” Festivalı çərçivəsində canlı səhnədə təqdim olunacaq. Rəsmi çıxışdan öncə keçiriləcək bu təqdimat albomun eksklüziv pre-prezentasiyası olacaq və iştirakçılar onu ilk dəfə canlı ifada dinləyəcəklər.
Aiselin sözlərinə görə, “SUBLIMINALS” onun musiqi yaradıcılığında yeni bir mərhələni açır. Albom elektron səslərlə etnik elementlərin birləşməsi sayəsində müxtəlif mədəniyyətlərin sintezini əks etdirir. İfaçı albomu yaxın zamanda rəsmi olaraq dinləyicilərə təqdim ediləcəyini bildirib.