“Disney Studios” martın 21-də yeni filmini teatrlarda yayıma təqdim edib. 1937-ci ildə yayımlanan fantastik animasiya “Snow White and the Seven Dwarfs” indiyə qədər fərqli versiyalarla tamaşaçıya təqdim edilmişdi və çox sevilirdi. Nəhayət ki, 2022-ci ildən etibarən çəkilişləri aparılan animasiyanın “Snow White” film versiyası artıq izləyicinin ixtiyarındadır. Həm klassik həm modern şəkildə təqdim olunan animasiyanın film versiyası Disney tərəfindən ilk dəfədir ki, təqdim olunub.
Baş rollarda Reyçel Zegler (Snow White rolunda), Qal Qadot (Evil Queen rolunda) çəkilib.
Maraqlıdır ki, Reyçel Zeglerin uşaqlıqdan gələn ağbəniz olmaq xəyalları gerçəkləşib və o, 2004-cü ilə aid olan şəkli “Dreams really do come true” açıqlaması ilə izləyicilərə bölüşüb.
Filmin rejissoru Mark Uebbdir. Ssenarisi isə Erin Kressida Uilsona aiddir. 2016-cı ildə animasiyanın film versiyasının çəkilişi təsdiqlənib və xərcləri təxminən 240-270 milyon dollar təşkil edib.
