Yəhudi əsilli azərbaycanlı gənc müğənni Edqar Ravin yeni mahnısını təqdim edib. Qərb musiqisi, elektron pop və yerli milli musiqi üslublarını sintez edərək maraqlı layihələrə imza atan gənc ifaçı bu dəfə də dinləyicilərini orijinal bir proyektlə sevindirib.
“SHALAM” adlanan mahnının söz və musiqisi Edqar Ravinə məxsusdur. Kliplə birlikdə təqdim olunan bu ekran işi musiqiçinin rəsmi YouTube kanalında yayımlanıb və qısa müddətdə dinləyicilər tərəfindən maraqla qarşılanıb.
Edqar Ravin bu layihəsi ilə musiqidə fərqli üslubları bir araya gətirərək yenilikçi yanaşmasını bir daha nümayiş etdirib.
