“Eurovision” mahnı müsabiqəsinin rəsmi loqosu və vizual kimliyi yenilənib.
2004-cü ildə təqdim edilən, 2014-cü ildə isə modernləşdirilən əl yazısı üslubundakı əsas loqo bu dəfə “Singing Sans” adlı xüsusi şriftlə hazırlanmış sadə və axıcı tək bir işarəyə çevrilib. Ənənəyə uyğun olaraq ikonik “Eurovision” ürəyi loqonun mərkəzindəki yerini qoruyub.
Yeni kimliyin ən diqqətçəkən elementlərindən biri 3D “Bukalemun Ürək”dir. Bu dizayn müsabiqənin 70 illik tarixindəki hər ili təmsil edən 70 təbəqədən ibarətdir və “Eurovision”un mədəni təsir, musiqi və hərəkəti mənimsəmə gücünü simvolizə edir.
Yenilənmiş loqo və vizual üslub artıq rəsmi kommunikasiya platformalarında istifadəyə verilib.
