Nəhayət, illərlə gözlənilən album işıq üzü gördü. Amerikalı repçi Kardi B ilk albomundan tam 8 il sonra özünün ikinci studiya albomunu yayımladı. 23 trekdən ibarət albomda Sammer Uolker, Kəş Kobain, Selena Qomez, Lizzo, Kehlani, Lourdiz, Tayla və Meqan Dee Stallion yer alır.
Albomdakı 23 parçadan ikisi — “WAP” və “Up” — 2020 və 2021-ci illərdə sinql olaraq yayımlanmış və “Billboard Hot 100″də 1-ci pilləyə çatmışdı. Təbii ki, albomla birgə ilk tənqidlərdən biri, 5 il əvvəl təqdim olunan mahnıların yenidən alboma daxil edilməsi oldu. Bəzi tənqidçilər və fanlar bunu Kardi B-nin albomu daha uğurlu göstərmək üçün etdiyi bir addım kimi qiymətləndirir.
Bundan əlavə, alboma “WAP” və “Up”dan sonra çıxardığı digər sinqlərin daxil edilməməsi də tənqidlərin artmasına səbəb oldu. Qalan 21 mahnıdan isə “Outside”, “Imaginary Playerz” və “Safe” sinql olaraq təqdim edilmişdir.
Kardi B albomu tanıtmaq üçün 2026-cı ilin fevralından aprelinədək davam edəcək “Little Miss Drama Tour” adlı Şimali Amerika turuna çıxacaq. Tur haqqında isə digər məqaləmizi oxuya bilərsiniz.