13-14 sentyabr tarixində Bakıda kofe mədəniyyəti, incəsənət və musiqinin birlikdə olduğu bir festival keçirilir. Yəqin ki, kofe sevənlər üçün bu əvəzolunmaz bir tədbir olacaq.
“CHEVRE Creative ecosystem” məkanında baş tutacaq “United Coffee Festival”da sizləri şəhərin ən yaxşı baristalarının hazırladığı fərqli dadlar, müxtəlif növ qidalar, əl işləri və musiqi gözləyir. Biletlər artıq satışdadır və bu atmosferi qaçırmaq istəməyən hər kəs biletləri tükənmədən almalıdır.
Festivalda sizləri həmçinin baristaların yarışı da gözləyir. “AeroPress” müsabiqəsinin qalibi olan barista ölkəni Koreyada keçiriləcək beynəlxalq müsabiqədə təmsil edəcək. Həmçinin qonaqları da müxtəlif oyunlar və qalibləri hədiyyələr gözləyir.
Bu yaradıcı, əyləncəli iki gün sizlərə qapılarını saat 10:00-dan 22:00-dək açıq saxlayacaq. Festival haqqında daha ətraflı məlumatı buradan öyrənə bilərsiniz.