Bu hadisəni filmlərdə çox izləmişdik amma bu dəfə gerçəkdir. Oktyabrın 19-da baş verən soyğunun hədəfi Luvr muzeyidir. İnanmaq çətindir, Luvr muzeyi dünyanın ən yaxşı qorunan muzeylərindən biri idi, bu necə baş verdi? Hadisənin ardıcıllığına baxanda, elə filmlərdəki kimi, işçi görünüşlü bir qrup tərəfindən, çox cəld və yüksək hazırlıqlı şəkildə baş verib.
Oğurluq muzeyin açılmasından bir neçə dəqiqə sonra, təxminən 09:30-da (Paris vaxtı ilə) baş tutub. Dörd nəfərlik cinayətkar qrup inşaat işçisi paltarı və işarəli təhlükəsizlik jiletləri geyinmiş kimi görünərək, muzeyin Sena çayına baxan hissəsində yerləşən balkon-pəncərədən daxil olublar. Onlar ikinci mərtəbəyə yük qaldırıcı maşın vasitəsilə qalxaraq, güc qurğularından istifadə ediblər. Cəmi 7-9 dəqiqə ərzində qiymətli bir neçə əşyanı oğurlayaraq uzaqlaşıblar. Hadisədən bir neçə dəqiqə sonra muzey bağlanıb, polis və mədəniyyət işçiləri araşdırma işlərinə başlayıblar.
Bəs onlar nə oğurlayıb?
Zafirlərdən ibarət tiara, boyunbağı və tək sırqa — Marie‑Amélie və Hortense kraliçalarına məxsus olduğu bildirilir;
Zümrüdlü boyunbağı və sırqalar — Marie‑Louise (I-ci Napoleonun ikinci həyat yoldaşı üçün hədiyyə edilmişdir.);
Tiara və böyük broş — Eugénie de Montijo (III-cü Napoleonun həyat yoldaşı tərəfindən geyinilmiş və muzeydə nümayiş olunmuşdur.);
Broş, “reliquary brooch” adlanan bir gümüş-qızıl zinət əşyası;
1 354 diamant və 56 zümrüddən ibarət Empress Eugénie-yə məxsus tac isə oğurluğa cəhd olunsa da, qaçarkən düşüb zədələnmiş halda tapılıb.
Fransa Daxili İşlər Naziri və müvafiq qurumlar hadisəni “peşəkar girov alma əməliyyatı” kimi qiymətləndirib. Həmçinin araşdırma zamanı muzeyin bəzi hissələrində video-nəzarət kameralarının və digər təhlükəsizlik tədbirlərinin tam olaraq işləmədiyi ortaya çıxıb.
Mənbələr: CBC News, AP News, People.com