Yayın bol günəşli günlərini və hərəkətli gecələrini artıq geridə qoymuşuq. Amma sosial şəbəkələrdə məşhurların istirahət postları hələ də qarşımıza çıxa bilər. Biz də bu səbəbdən – “Kim harada istirahət etdi?” – deyərək, geriyə göz atdıq. Kimisi dəniz kənarında yoqa ilə nəfəsini bərpa etdi, kimisi gecə klublarında əyləndi, kimisi isə sadəcə dostları ilə xoşbəxt anlarını paylaşdı. Siciliyadan Floridaya, Nyapoldan İbizaya qədər yay məkanları təkcə turistlərlə yox, həm də ulduzlarla hərarətli idi. Məşhurlar bu yay harada istirahət etdilər? Sizin üçün topladıq;
Dua Lipadan dəniz kənarında “Self-Care” dərsi
Dua Lipanı istirahətdə Kallum Törnersiz görmək çətindir. Bir neçə fərqli istiqaməti seçən Dua, bu dəfə Nyapolun günəşli sahillərində, sakit bir tətili üstün görüb. Sadəcə dəniz, külək, musiqi və kitab. Yemək və içki seçimində isə həmişəki kimi qeyri-adiliyini qoruyub saxlayır.
Çarli XCX – gecə həyatının kraliçası
Çarli XCX bu yay ən çox tətil edən ulduzlardandır. Bununla yanaşı o iki fərqli toy mərasimi keçirib və nəhayət artıq evlidir. Çarlinin toyu haqqında məqaləni buradan keçid edərək oxuya bilərsiniz. Siciliya adasında baş tutan sonuncu toydan sonra görünür ki, Çarli dostları ilə əylənməyə davam edib. Həyat yoldaşı və dostları ilə dəniz sahilini seçən Çarli gecələri də klublarda əylənməyə davam edib.
Enerji ilə dolu qlobal ikon Madonna bu yay nə etdi?
Madonna qızmar günəş altında dəniz sahilini seçməsə də, əvəzinə qızmar yay günəşi altında ailəsi ilə vaxt keçirməyi seçib. Meditasiya isə onun üçün sanki günlük rutin halına gəlib. Baxçasında yer alan budda heykəli guşəsində o meditasiya edir, kokteylini içir və təbiətlə iç-içə ruhunu sakitləşdirir.
Heyli Biberdən yalnız tətil paylaşımı
Heyli Biber də Aralıq dənizi sahillərini seçib və sosial şəbəkələrdə o yalnız özünü və İspaniyanın Mallorca sahillərindən gözəl mənzərələri paylaşıb. Və əlbəttə ki, dəniz istirahəti yaxtasız olmazdı. Qızmar günəşin altında dənizin sərin küləyindən zövq alaraq yayı maksimum hiss etmək əvəzolunmazdır.
Zara Larsson tətildə də “Midnight Sun” ilə
Bu yayı Zara Larssonun yeni albomunu gözləyərək keçirənlər arasında yəqin ki, elə Zaranın özü də var. Bütün postlarında yeni albomunun vinilləri ilə şəkillər paylaşan Zara, Floridada keçirdiyi yay günlərində də albomundan uzaq qalmayıb. Hələ bir də əlindəki balaca timsaha baxın! Necə də cəsarətlə onu əllərində sevgi ilə saxlayıb.
Selena Qomezdən – “Özünə Qayğı və Dostluğun Gücü” – mesajı
Selena Qomez üçün istirahət həm özünə vaxt, həm də dostlarına sevgi deməkdir. O, tez-tez sosial şəbəkələrdə dəniz kənarında sakit günlərindən fotolar paylaşır, həm də ən yaxın dostları ilə oyun gecələri təşkil edir.
Hər paylaşımında sanki bu mesajı ötürür: “Dostlarınızı qoruyun, həyatın dadı budur.”
Yəni Selenanın yanında dostları varsa, istirahətin zamanı və məkanının əhəmiyyəti yoxdur.
Biz bir neçə məşhurun postlarına göz atdıq. Bəlkə də sənin favorit ulduzun bu siyahıda olmaya bilər. Amma sözsüz ki, hər bir ulduz bu yay mütləq dincəlib. Bəs siz bu yayı necə istirahət etdiniz? Sosial şəbəkələrdə şərhlərdə paylaşmağı unutmayın!