Oktyabrın 15-də “Victoria’s Secret”in Nyu-Yorkda möhtəşəm şousu baş tutdu. Tədbir əvvəlki illərin ab-havasını xatırlatsa da, bu dəfə səhnədə həm tanış, həm də yeni simalar yer aldı.
Gecənin açılışını doqquz aylıq hamilə Yasmin Tukz etdi. Onun podiumda görünməsi tamaşaçıların alqışları ilə qarşılandı.
Hadid bacıları arasında bu dəfə Bella Hadid daha çox diqqət çəkdi. Qırmızı geyimi və 23 kiloqramlıq qanadı ilə səhnədə gəzərkən çətinlik çəksə də, təqdimatını uğurla tamamladı.
İlk dəfə Emili Ratajkovski də Victoria’s Secret nümayişinə qatıldı.
Bundan başqa, Adriana Lima, Alessandra Ambrosio, Kandis Suanepoel və Behati Prinslo kimi tanınmış modellər də illər sonra yenidən podiuma çıxdılar.
Tamaşaçıların gözləri isə Kendal Cenner və Elsa Hosku axtarırdı.
Elsa açıqlamasında bu dəfə tədbirdə iştirak etmədiyini bildirdi.
Bu ilki nümayiş kreativ direktor Adam Selman üçün də ilk təcrübə idi. O, Victoria’s Secret markasına fərqli yanaşma gətirərək, köhnə üslubu daha müasir formada təqdim etdi.