“Emmy” mükafatları gecəsi bir çox maraqlı, gözlənilməz anlarla yadda qalsa da, ən çox danışılan məqam, yəqin ki, “The White Lotus” serialının fiaskosu idi. Bəli, bir vaxtların favorit serialını hər kəs ən azı bir neçə mükafata layiq olduğunu düşünsə də, “The White Lotus” heç bir “Emmy” mükafatı ala bilmədi.
Əslində, bu serialın əvvəlki mövsümlərdə qazandığı uğurlara nəzər salanda bu nəticə hər kəsi məyus edir.
Tənqidçilərin gözdəsi, sosial media fenomeni, pop-mədəniyyətin parçasına çevrilmiş bir layihənin birdən-birə layiq olduğunu ala bilməməsi izləyiciləri şoka salır. Elə sosial şəbəkələrdə də “bu mümkünsüzdür” tipli paylaşımlar yağış kimi yağırdı.
Amma gəlin, reallığa baxaq: Bu il “Emmy” nominasiyalarında çox güclü rəqabət var idi. “The Studio” 13 mükafatla tarix yazdı və bütün diqqəti üzərinə çəkdi. “The Pitt” dram kateqoriyasında ön plana çıxdı, “Adolescence” isə gözlənilmədən qalib oldu və hamını təəccübləndirdi. Belə bir tabloda “The White Lotus”un kölgədə qalması bəlkə də normal haldır.
Bəzən ən çox səs-küy yaradan layihələr münsiflərin diqqətini yetərincə çəkmir. Həddindən artıq populyarlıq, hər yerdə müzakirə olunmaq, sosial mediada trend olmaq – bunların hamısı tamaşaçı üçündür, amma professional münsiflər “daha fərqli” seçimlər etməyə meylli olurlar.
Əlbəttə, bu nəticə “The White Lotus”un bitməsi demək deyil. Serial hələ də izləyicilərini itirməyib və populyarlığını qoruyur. Sadəcə serialın “Emmy” mükafatlarında ulduzu parlamadı. Bəlkə də bu nəticə ilə serialın növbəti mövsümü izləyici üçün daha maraqlı ola bilər.
Görəsən – “Geri dönüş necə olacaq?” – bəli, bizə də maraqlıdır.
Beləliklə, “Emmy Awards 2025” bizə bir daha göstərdi ki, televiziya mükafatlarında heç nə qarantiyalı deyil. Dünən hər kəsin favorit dediyi ekran işi bu gün nəticəsiz qala bilər.