Azərbaycan bu il Uşaq Avroviziyasında parlaq bir istedadla təmsil olunacaq. 12 yaşlı Yağmur Nəsrullayəva ölkəmizi “Miau Miau” adlı mahnı ilə Gürcüstanın paytaxtı Tbilisidə keçiriləcək müsabiqədə səhnəyə daşıyacaq.
Yarışma 13 dekabrda, Bakı vaxtı ilə saat 20:00-da baş tutacaq.
Yağmur hazırda 5 nömrəli incəsənət məktəbində təhsil alır və artıq bu yaşda səhnə mədəniyyəti, vokal bacarıqları ilə diqqət çəkir. O, retro musiqiyə xüsusi maraq göstərir və Şövkət Ələkbərova ilə Rəşid Behbudovun ifalarını böyük sevgi ilə dinləyir.
Səhnədən kənarda isə Yağmur tam bir uşaq enerjisinə sahibdir. “Harry Potter” seriyasını və Robin Hood haqqında hekayələri sevir, sevimli yeməkləri arasında yarpaq dolması, hamburger və french fries yer alır. O, həmçinin pişiklərə və kiçik itlərə böyük məhəbbət bəsləyir.
Rənglər arasında ən çox çəhrayı, ağ və mavi tonlara üstünlük verir.
Bu il Tbilisidə səhnəyə çıxacaq gənc ifaçımızın məqsədi yalnız Azərbaycanı layiqincə təmsil etmək deyil, həm də uşaqlara sevinc və pozitiv enerji bəxş etməkdir. Yağmur Nəsrullayəva səsi və enerjisi ilə Avropanın qəlbini fəth edəcəyinə inanırıq.